xoves, 23 de abril de 2015

Digo luz de arco iris


Digo luz de arco iris.
Apenas digo nada.
Digo azul e amarelo
tal e como o vexo no ceo.
Digo cores sen sentido,
Cores da agua tras a choiva,
e dos raios deste sol.
Rosa, vermello, laranxa,
verde das follas, clorofila.
Digo algo natural,
adorna o ceo, nubes, sol, estrelas,
lúa, paxaros
e vida no ceo.
Digo luz de arco iris.
Apenas digo nada.
Digo cor sen igual,
alegría para os ollos.
Digo azul, amarelo,
rosa, vermello,
laranxa, verde, morado, ceo,
agua, sol.
Digo luz de arco iris.
Apenas digo nada.
Digo tal e como o vexo no ceo, 
está xa dito todo
con estas palabras.
Para sacar sorrisos ao mundo,
luz de arco iris e basta.

Nerea (4º ESO)

Ningún comentario: